Jambyl oblysynda balabaqsha basshysy 12 mln teńgege jýyq bıýdjet qarajatyn jymqyrǵan

<p>ASTANA. KAZINFORM &ndash; Taraz qalasynyń prokýratýrasy &laquo;RozAl&raquo; ortalyǵy&raquo; jeke balabaqshasy basshylyǵymen mektepke deıingi uıymdardy jan basyna shaqqandaǵy qarjylandyrý aıasynda bólingen 12 mln teńgege jýyq bıýdjet qarajatyn jymqyrý faktisin anyqtady. Bul týraly Jambyl oblysynyń prokýratýrasy málimdedi.</p>

Balabaqsha basshysy is júzinde tárbıelenbegen balalar úshin bıýdjet qarajatyn alyp otyrǵa.

Alaıaqtyq faktisi boıynsha qala prokýratýrasymen qylmystyq is tirkelip, ony tergelýi Jambyl oblysynyń Ekonomıkalyq tergep-tekserý departamentine tapsyryldy.

«Taraz qalasynyń № 2 sotynyń 14.06.2024 jylǵy úkimimen balabaqsha basshysy tárbıe/oqytý qyzmetin kórsetetin kez kelgen menshik nysanyndaǵy uıymdar men mekemelerde qarjymen baılanysty materıaldyq jaýapty laýazymdardy atqarý quqyǵynan 3 jylǵa aıyra otyryp, 4 jyl merzimge bas bostandyǵynan aıyrý jazasyna sottaldy», - delingen habarlamada.

Sot úkimi zańdy kúshine engen joq.