Jambyl oblysynda zeınetkerdiń úıinen 30 keliden astam qarasora tárkilendi

<p>TARAZ. KAZINFORM &ndash; Esirtki zattaryn asa iri mólsherde saqtady degen kúdikpen polıtsııa qyzmetkerleri Baızaq aýdany Sarykemer aýylynyń 64 jastaǵy turǵynyn ustady.</p>

Er adam óz úıinde jeti jerden jasyryn oryn daıyndap, shatyrda, as úı bólmesiniń jertólesinde, jatyn bólmede, aýlada esirtki zattaryn jasyrǵan.

Tintý kezinde polıtsııa qyzmetkerleri barlyǵy 30 keli 700 gramm keptirilgen qarasora tárkilegen. Qarasorany kúdikti Baızaq aýdanynyń qumǵa jaqyn aýmaǵynda jınap, keptirgen.

«2019 jyldyń sáýirinen 2020 jyldyń sáýirine deıingi aralyqta ustalǵan azamat «mal urlyǵy», «urlanǵan maldy soıýshy», «mal tasymaldaýshy» sanattary boıynsha profılaktıkalyq esepte turǵan. Suraq alý kezinde kúdikti kinásin moıyndady. 

Kúdikti esirtki zattaryn óziniń kámeletke tolmaǵan bes balasy turatyn úıinde saqtaǵan. Qazirgi ýaqytta ol ýaqytsha ustaý ızolıatoryna qamaqqa alyndy. Osy derek boıynsha sotqa deıingi tergeý amaldary júrgizilýde, barlyq mán-jaılar anyqtalýda», - dep habarlady Polıtsııa departamenti Esirtki qylmysyna qarsy is-qımyl basqarmasynyń bastyǵy Álim Bajyqbaev.