Jambyl oblysynda iri taý-ken metallýrgııa kombınaty iske qosylady

<p>QR Premer-Mınıstri Álıhan Smaıylov pen Monterra Group kompanııasynyń ókili Iogann Shtol Jambyl oblysynda iri taý-ken metallýrgııa kombınatyn salý máselelerin talqylady, dep habarlaıdy <a href="https://kaz.inform.kz/lenta/" target="_blank" rel="noopener">QazAqparat</a>.</p>

Jobany 2026-2029 jyldar aralyǵynda úsh kezeń boıynsha iske asyrý josparlanyp otyr. Eń joǵary qýatqa jetkennen keıin kásiporyn jylyna 5 mln tonnaǵa jýyq altyn kenin óndirip, óńdeı alady. Jobaǵa 832 mlrd teńgege deıin tikeleı sheteldik ınvestıtsııa tartylady dep kútilýde. Nátıjesinde 2 myńǵa jýyq jańa jumys orny ashylady.

Zamanaýı eýropalyq óńdeý tehnologııalary qoldanylatyn zaýyt respýblıkadaǵy eń joǵary tehnologııalyq zaýyttardyń birine aınalady. Jalpy alǵanda, taý-ken metallýrgııa ónerkásibi el ekonomıkasynyń kóptegen salalaryn damytýǵa mýltıplıkatıvti áser etedi.

Kezdesý barysynda jobanyń tehnıkalyq qujattamasyn ázirleý, ınfraqurylym salý, keıin jumysqa ornalasýyn qamtamasyz ete otyryp, jergilikti turǵyndar arasynan jas mamandar daıarlaý, sondaı-aq qorshaǵan tabıǵı ortany saqtaý sharalaryn júrgizý máseleleri talqylandy.