Jambyl oblysynda paıdalanylmaı jatqan 2,7 myń gektar jer qaıtaryldy

<p>ASTANA. KAZINFORM - Jambyl oblysynda Sarysý aýdanynyń prokýratýrasy taldaý júrgizý barysynda paıdalanylmaı jatqan jalpy kólemi&nbsp;<strong data-entity-type="MessageEntityBold">2 710 ga</strong> bolatyn 5 aýylsharýashylyǵy maqsatyndaǵy jer ýchaskelerin anyqtady, dep habarlaıdy oblystyq prokýratýranyń baspasóz qyzmeti.&nbsp;</p>

Jer ýchaskeleriniń jalpy kadastrlyq quny 15 mln teńgeden asty.

2022 jyly jergilikti atqarýshy organ aýdanda qyzmetin júzege asyrmaǵan seriktestikke jer ýchaskelerin bergeni belgili boldy.

Prokýrorlyq qadaǵalaý aktisi nátıjesimen jer memlekettik jer qoryna qaıtarylyp, aýyldyq okrýgterdiń turǵyndaryna mal jaıýǵa berildi, osylaısha jaıylym tapshylyǵy máselesi azaıdy.

Prokýratýra organdary qoldanystaǵy zańnama talaptaryna sáıkes jerdiń paıdalanylýyn qadaǵalaýdy jalǵastyrady.