Jambyl oblysynda ótken jyly 201,2 myń ga jer memleketke qaıtaryldy

<p>Memleket basshysynyń jer máseleleri boıynsha tekserý júrgizýge bergen tapsyrmasyna sáıkes, Jambyl oblysynda osy baǵyttaǵy jumystar qarqyndy júzege asyp keledi, dep habarlaıdy <a href="https://kaz.inform.kz/" target="_blank" rel="noopener">Kazinform</a> oblys ákimdiginiń baspasóz qyzmetine silteme jasap.&nbsp;</p>

Jer qatynastary basqarmasynyń málimetinshe, byltyr óńirde paıdalanylmaı jatqan 201,2 myń gektar jer memleket menshigine qaıtarylyp, tapsyrma tıisti deńgeıde oryndalǵan.

Aıta keteıik, bul alqaptar buǵan deıin 530 tulǵanyń ıeliginde bolǵan.

Memleket menshigine ótken 41860,7 gektary Moıynqum aýdanynan, 31591,6 gektary Sarysý aýdanynan qaıtarylsa, odan keıingi jer alqaptary Baızaq, Jambyl, Merki, T.Rysqulov, Jýaly, Qordaı, Talas jáne Shý aýdandaryna tıesili.

Al, bıyl oblysta shamamen 80 myńǵa jýyq jer memleket menshigine qaıtarylady dep josparlanyp otyr.