Jambyl oblysynda myńǵa jýyq moped pen skýter júrgizýshileri jaýapqa tartyldy
Polıtsııa qyzmetkerleri júrgizýshilerge eki dóńgelekti kólik quraldaryn qaýipsiz júrgizý jáne olardyń jol qozǵalysy erejelerin saqtaý máseleleri boıynsha túsindirý jumystaryn júrgizdi. Alaıda polıtsııa qyzmetkerleri qabyldaǵan sharalarǵa qaramastan, olar jol qozǵalysy erejelerin buzýdy jalǵastyryp, jol apattaryna sebep bolyp otyr.
Jol apatyn azaıtý maqsatynda polıtseıler mopedter men elektrlik skýterlerdiń qatysýymen jıi jol-kólik oqıǵasy tirkeletin oblys ortalyǵyndaǵy kósheler men qala syrtyndaǵy trassalardy qarqyndy túrde patrýldeýde. Joldarda shaǵyn kólik quraldary júrgizýshileriniń tártibine kúsheıtilgen baqylaý engizildi.
Aıta keteıik, jyl basynan beri 691 moped júrgizýshisi jáne 263 elektrlik skýter júrgizýshisi ákimshilik jaýapkershilikke tartyldy. Aıyp turaǵyna 200-den astam skýter qoıyldy.
Jambyl oblysynyń polıtsııa departamenti osy kólik quraldaryn paıdalanýshylarǵa uqypsyz kólik júrgizýdiń qaýiptiligi týraly eskertedi.