Jambyl oblysynda Memlekettik satyp alý basqarmasynyń basshysy taǵaıyndaldy

<p><strong>TARAZ. KAZINFORM &ndash; Jambyl oblysy ákiminiń ókimimen Ǵalym Qambaruly Ábdiqazıev oblys ákimdiginiń Memlekettik satyp alý basqarmasynyń basshysy bolyp taǵaıyndaldy.</strong></p>

Ǵalym Ábdiqazıev 1973 jyly týǵan.

Jambyl gıdromelıoratsııa qurylys ınstıtýtyn «avtomobılder jáne avtomobıl sharýashylyǵy», M.H.Dýlatı atyndaǵy Taraz memlekettik ýnıversıtetin «memlekettik jáne jergilikti basqarý», sondaı-aq «taý-ken isi» mamandyqtary boıynsha bitirgen.

Eńbek jolyn 1990 jyly Taraz qalasyndaǵy «Daýyl» jeke fırmasynyń satýshysy bolyp bastaǵan.

1996-1999 jyldary «Shyǵys-Tańy» JShS qoıma meńgerýshisi, is júrgizýshisi, dırektorynyń orynbasary, 2000-2005 jyldary «Taraz kólik joly» JShS saýda bóliminiń basshysy, 2005-2010 jyldary Jambyl oblysy ákimdiginiń jolaýshylar kóligi jáne avtomobıl joldary basqarmasynyń bas mamany, bólim basshysy, basqarma basshysy boldy.

2011-2012 jyldary «TTK Kazatomónerkásip joldary» JShS fılıalynyń dırektory, 2013-2014 jyldary M.Áýezov atyndaǵy Ońtústik Qazaqstan memlekettik ýnıversıtetiniń memlekettik satyp alý jáne materıaldyq-tehnıkalyq jabdyqtaý bóliminiń basshysy, 2014-2016 jyldary «Adal Senim Stroı» JShS dırektory, 2016-2017 jyldary QR Qorǵanys jáne aeroǵarysh ónerkásibi mınıstrligi Memlekettik rezervter komıtetiniń «Rezerv» RMK Memlekettik satyp alý basqarmasynyń basshysy, 2017-2023 jyldary «Adal Senim Stroı» JShS dırektory qyzmetterin atqarǵan.

2023 jyldyń jeltoqsan aıynan bastap Jambyl oblysy ákimi kómekshisiniń mindetin atqarýshy laýazymynda eńbek etip keldi.