Jambyl oblysynda kóshi-qondy zańsyz uıymdastyrǵandar ustaldy

<p>Qordaı aýdanynyń aýmaǵynda sońǵy jarty jylda Ońtústik Azııa elderi (Pákistan, Nepal, Shrı-Lanka) azamattarynyń Qyrǵyz Respýblıkasy jaǵynan Qazaqstan Respýblıkasynyń memlekettik shekarasynyń tysqary jerlerinen zańsyz ótýi jıilengen, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Jambyl oblysy prokýratýrasynyń málimetinshe, bıyl 19 qyrkúıekte Qordaı aýdany prokýrorynyń úılestirýimen QK-tiń 394-babynyń 2-bóligi boıynsha (adamdar tobymen aldyn ala sóz baılasý arqyly zańsyz kóshi-qondy uıymdastyrý) polıtsııa bólimi qylmystyq isti tirkedi.

Osy jyldyń 20 qyrkúıeginde Qordaı aýdany prokýrorynyń qaýlysymen aýdandyq polıtsııa, shekara qyzmeti jáne ulttyq qaýipsizdik organdarynyń tájirıbeli qyzmetkerlerinen turatyn vedomstvoaralyq jedel-tergeý toby qurylyp, olarmen birqatar tergeý amaldary júrgizildi.

Nátıjesinde Ońtústik Azııa elderiniń 20 azamatyn Qyrǵyz Respýblıkasynan memlekettik shekaranyń ótkizý pýnktterinen tys jerleri arqyly zańsyz kóshi-qondy uıymdastyrǵan 3 qylmysker quryqtalyp (Qazaqstan jáne Qyrǵyz azamattary), qamaýǵa alyndy.

Qazirgi tańda tergeý amaldary júrgizilip jatyr. Basqa málimetter QPK-tiń 201-babynyń talaptaryna sáıkes jarııalanýǵa jatpaıdy.