Jambyl oblysynda kólik jolaýshysynan 12 keli esirtki tárkilendi

<p>ASTANA. KAZINFORM - Jambyl oblysynda polıtsııa qyzmetkerleri kólik jolaýshysynan 12 keliden astam gashısh tárkiledi. Onyń qara naryqtaǵy quny &ndash; 7 mln teńge, dep habarlaıdy Polisia.kz.</p>

“Qarasora – 2024” jedel aldyn alý is-sharasy aıasynda jedel aqparatty júzege asyrý barysynda oblystyq PD esirtki qylmysyna qarsy is-qımyl basqarmasynyń qyzmetkerleri "Almaty–Qaraǵandy" avtojolynyń 430-shaqyrymynda Toyota Sienna avtokóligin toqtatty. Teıa qyzmettik ıtiniń kómegimen avtokólikti tekserý barysynda júk salǵyshtan kóliktegi jolaýshyǵa tıesili jasyl tústi ósimdik zaty bar eki sómke tabyldy.

Saraptama qorytyndysyna sáıkes, tabylǵan zattardyń salmaǵy 12 keli gashısh jáne 170 gramm kannabıs (20 myń doza) shaıyry ekeni anyqtaldy. Qara naryqtaǵy quny – 7 mln teńgege jýyq.

QR Qylmystyq kodeksiniń 296-baby 4-bóligi jáne 297-babynyń 3-bóligi (Esirtki, psıhotroptyq zattarmen, sol tektestermen ótkizý maqsatynsyz zańsyz jumys isteý) boıynsha sotqa deıingi tergep-tekserý amaldary bastaldy.

Kúdikti kinásin moıyndap, qazirgi ýaqytta Shý aýdandyq polıtsııa bóliminiń ýaqytsha ustaý ızolıatoryna qamaýǵa alyndy.