Jambyl oblysynda qyrýar qarjyǵa alynǵan medıtsınalyq apparattar paıdalanylmaı tur

<p>TARAZ. KAZINFORM &ndash; Jambyl oblysy boıynsha Tekserý komıssııasy 24 memlekettik kvazımemlekettik sektor sýbektilerinde memlekettik aýdıt júrgizdi. Onda 2023 jylǵy jergilikti bıýdjet qarajatyn paıdalanýdyń zańnama talaptaryna qanshalyqty sáıkestigi tekserildi.</p>

Tekserý nátıjesinde 2023 jylǵa qaralǵan qarajattyń 9,6 paıyzyn quraıtyn 16 554,3 mln. teńge buzýshylyqtar, sondaı-aq jalpy somasy 1 319,1 mln. teńge bıýdjet qarajaty óreskel buzýshylyqpen ıgerilgeni anyqtalǵan. Bul týraly atalǵan komıssııanyń kezekti otyrysynda onyń tóraǵasy Rýslan Meldebek málimdep, olarǵa keńinen toqtaldy. 

«Merki aýdandyq ortalyq aýrýhanasy esebindegi negizgi quraldarǵa ishinara túgendeý júrgizý barysynda balanstyq quny 12,6 mln. teńgeni quraıtyn keıbir medıtsınalyq jáne ózge de jabdyqtardyń paıdalanylmaı turǵandyǵy anyqtaldy. Qordaı aýdanyndaǵy Aýhatty aýylynda ornalasqan dárigerlik ambýlatorııada 2,5 mln. teńgege satyp alynǵan 1 dana avtomatty syrtqy defıbrılıator Powerheart G5A búgingi kúnge deıin esh qoldanylmaǵan. 2,5 mln. teńgeni quraıtyn negizgi quraldardy tıimsiz qoldanýǵa jol berilgen. Sondaı-aq, Baızaq aýdandyq emhana bólimshesine jańadan 198,8 mln. teńgege satyp alynǵan qural-jabdyqtar aýdıt júrgizý kezeńine deıin múldem qoldanylmaǵan», – dedi ol.

Komıssııa tóraǵasy baıandamasynda sonymen qatar, Taraz qalalyq kópbeıindi aýrýhanasyndaǵy tomografııa, IVL apparaty rentgen sáýlelerin ornatý apparaty syndy quny 105,2 mıllıon teńgeniń birneshe apparaty paıdalanylmaı, shań basyp turǵanyn baıandady. 

Jambyl oblystyq kópbeıindi balalar aýrýhanasynda da el ıgilgi úshin paıdalanylmaı turǵan jabdyqtar bar eken. Onyń balanstyq quny 704,9 mln. teńgeni quraıdy.

Aıta keteıik, buǵan deıin Taraz stýdentteriniń jataqhanadaǵy adam tózgisiz jaǵdaıǵa shaǵymdanǵanyn jazǵan bolatynbyz.