Jambyl oblysynda qatty jelden 3 adam aýrýhanaǵa tústi, bireýiniń jaǵdaıy aýyr

<p>TARAZ. KAZINFORM &ndash; Qatty jel men jańbyr saldarynan Qordaı aýdanynda bolǵan jaǵdaıdy zerdeleý maqsatynda jumysshy top aýyldyq okrýgterdi aralap júr.&nbsp;&nbsp;</p>

Taýly jerlerde kólbeý sý aǵyny oryn aldy. Degenmen, jeke aýla aýmaqtaryn, turǵyn úılerdi sý basý faktileri tirkelmedi.

«Tabıǵı sıpattaǵy qatty daýyl saldarynan aýdandyq ortalyq aýrýhanaǵa 3 azamat qaıyryldy. 1 naýqastyń jaǵdaıy aýyr, ekeýi úıine qaıtaryldy. «Bereke» sharýa qojalyǵynyń 671 bas usaq maly men 10 bas jylqysy sýǵa aǵyp ketkeni boıynsha aqparat rastalmady. Qazirgi tańda aǵyn sý saldarynan 6 bas eshki, 1 qoı, 1 buzaýdyń óleksesi anyqtaldy. 10-15 úı men qora jaıdyń shatyrlary ushqan. Mal shyǵyndary qosymsha zerdelenip jatyr. Soǵandy aýylynda jeldiń jyldamdyǵy 45 m/s deıin jetken. Aǵyn sý saldarynan «Soǵandy-Betqaınar» avtojolyndaǵy kópir búlingen. Jergilikti atqarýshy organdar men polıtsııa qyzmetiniń kúshimen beket qoıylyp, jol júrý qamtamasyz etildi. Qazirgi tańda kópirdi qalpyna keltirý jumystary júrgizilip jatyr. Shuǵyl arada smetalyq qujattama ázirlenetin bolady. Soǵandy aýyly boıynsha 15 turǵyn úı jáne qora jaılardyń ushyp ketken shatyrlaryn, «Beeline» uıaly baılanysynyń munarasyn qaıta qalpyna keltirý jumystary júrgizilip jatyr», – dedi Qordaı aýdany ákimdiginiń baspasóz qyzmeti. 

Sondaı-aq, baspasóz qyzmetiniń bergen málimetterine súıensek, Soǵandy aýylynda quramynda 15 adam, 2 tehnıka bar 3 brıgada elektr jelilerin qosý úshin jumys atqaryp jatyr. 

Aýdandyq «QazTransGazAımaq» synǵan gaz qubyrlaryn qalpyna keltirý jumystaryn júrgizýde. Al Beriktas aýylynda elektr jelilerin qosý úshin 2 brıgada jumyldyrylsa, gaz qubyrlaryn qalpyna keltirý úshin 4 brıgada eńbek etýde. 

Gazǵa, elektr qýatyna qosý jumystary búgin aıaqtalmaq. 

Qordaı aýdanyndaǵy jaǵdaı Jambyl oblysy ákiminiń tikeleı baqylaýynda.

Aıta keteıik, buǵan deıin Qatty jeldiń saldarynan Jambyl oblysynda gaz qubyry qulap, kópir buzylǵanyn jazǵan bolatynbyz.