Jambyl oblysynda qaterli isikti jasandy ıntellektiniń kómegimen anyqtaıdy

<p>ASTANA. KAZINFORM &ndash; 2025 jyly Taraz qalasynda jasandy ıntellekt arqyly qaterli isikti anyqtaýdyń mamandandyrylǵan júıesin engizý josparlanyp otyr. Bul týraly Jambyl oblysynyń ákimi Erbol Qarashókeev málim etti.&nbsp;</p>

- Bıyl 7,4 mlrd teńgege 26 densaýlyq saqtaý obektilerdiń qurylysy júrgizilip jatyr, onyń ishinde 23-i paıdalanýǵa berildi. 2 qalalyq medıtsınalyq mekeme kúrdeli jóndeýden ótti. Bıýdjet qarajatynan 5 mlrd teńgege 18 birlik medıtsınalyq dıagnostıkalyq tehnıka, 38 sanıtarlyq mashına satyp alyndy, bul erte dıagnostıkanyń, jedel járdem jumysynyń sapasyn men aýylda medıtsınalyq qyzmetterdiń qoljetimdiligin arttyrýǵa múmkindik beredi, - dedi Erbol Qarashókeev oblystyń áleýmettik-ekonomıkalyq damýy týraly esep berý barysynda.

Foto: Jambyl oblysynyń ákimdigi

Oblys ákimi usynǵan málimetke súıensek, óńirdegi densaýlyq saqtaý uıymdarynyń tozý deńgeıi 42,7%-dan 40,3%-ǵa deıin tómendep, al medıtsınalyq jabdyqpen qamtý 96,7%-ǵa artqan. 

- 2025 jyly jasandy ıntellekt arqyly qaterli isikterdi anyqtaýdyń mamandandyrylǵan júıesin engizý jobasyn bastaýdy josparlap otyrmyz. Bul oblystan shalǵaı ornalasqan aýdan, aýyl turǵyndary úshin radıolog mamandardyń tapshylyǵy máselesin sheship, eń bastysy naýqastardy erte dıagnostıkalaý jáne jedel emdeý tıimdiligin arttyrady. Sonymen qatar, júrek-qan tamyrlary, qaterli isik, sozylmaly respıratorlyq aýrýlar men dıabetten 30 ben 70 jas aralyǵyndaǵy mezgilsiz ólim-jitim qaýpin tómendetý baǵytyndaǵy jumystar jalǵasady, - deıdi E. Qarashókeev. 

Aıta ketsek, buǵan deıin Jambyl oblysy ákiminen Merki qant zaýytyna qyzylshasyn ótkize almaı uzyn-sonar kezekke turǵan fermerlerdiń máselesi týraly suraǵan edik. 

Sondaı-aq brıfıng barysynda Taraz qalasynyń eki ákimshilik aýdanǵa bólinetini belgili boldy.