Jambyl oblysynda qar qursaýynda qalǵan baqtashylar aman-esen tabyldy

<p>12 jeltoqsany kúni saǵat 00:24 shamasynda polıtsııa bólimine Shý aýdany Kókqaınar aýylynan 15 shaqyrym jerde sharýa qojalyqtardyń birinen 2 malshysy adasyp, joǵalyp ketkeni týraly habar tústi, dep habarlaıdy Kazinform.</p>

Habarlama boıynsha tez arada polıtsııa qyzmetkerleri, aýdan ákimdigi, TJD qyzmetkerleri, jergilikti turǵyndar, arnaıy jol tehnıkasy jumyldyrylyp, jedel izdestirý jumystaryn júrgizdi. Qalyń qar basqan joldar «Greıder» tehnıkasymen arshyldy.

«Jedel-izdestirý jumystarynyń nátıjesinde túngi saǵat 3:00 kezinde malshylar jáne qaraýyndaǵy maldary aman-esen tabyldy. Qutqarylǵan azamattardyń jaǵdaıy birqalypty, medıtsınalyq kómekti qajet etpedi», - dedi Shý aýdany polıtsııa bóliminiń bastyǵy polıtsııa podpolkovnıgi Dinmuhambet Qoıtórıev.

Buǵan deıin Jambyl oblysynda 4 jasar balanyń basy kólikterdiń arasyna qysylyp qalǵanyn jazǵan bolatynbyz.