Jambyl oblysynda elektr jelileriniń 79 paıyzy eskirgen

<p>TARAZ. KAZINFORM &ndash; Jambyl oblysynyń keıbir aýdandarynda, tipti oblys ortalyǵy Tarazda da keıingi kezderi jaryq jıi sónip júr. Oblystyq energetıka jáne kommýnaldyq sharýashylyq basqarmasynyń basshysy Ǵalym Isaqov muny aýa raıynyń qolaısyzdyǵymen jáne elektr jelileriniń tozǵandyǵymen baılanystyrady.&nbsp;</p>

«Oblystaǵy eldi mekender elektr júıesimen tolyq qamtamasyz etilgen. Degenmen, qazirgi ýaqytta olardyń tozý deńgeıi 79 paıyzdy qurap otyr. Sondaı-aq keıingi jyldary óńirimizde qatty jel jıilep, ekpini kúsheıip keledi. Sonyń saldarynan elektr jelileriniń úzilip jatyr. «Jambyl elektr júıesi» JShS tarapynan ınvestıtsııalyq baǵdarlama esebinen jyl saıyn elektr jelilerin jańǵyrtý, kúrdeli jóndeý jumystary júrgizilýde. Bıyl bul maqsatqa 2,070 mlrd teńge qaralyp, 154 shaqyrym elektr jelilerin qaıta jańǵyrtý jumystary atqarylýda», - deıdi Ǵalym Isaqov. 

Aıta keteıik, «Jambyl elektr júıesi» JShS quramynda búginde 11 aýdandyq elektr jelileri men 8 ortalyq óndiristik qyzmet jumys isteıdi. Al jalpy elektr jelileriniń uzyndyǵy 16,2 myń shaqyrymdy quraıdy. 

Buǵan deıin Jambyl oblysynda qyrýar qarjyǵa alynǵan medıtsınalyq apparattar paıdalanylmaı turǵanyn jazǵan bolatynbyz.