Jambyl oblysynda dinı radıkaldar tobynyń 11 múshesi ustaldy
Olar áleýmettik jelilerde ózge din ókilderiniń sezimderin qorlaıtyn, óz dindesteriniń ústemdigin jáne ózge senimdegilerdiń tómendigin nasıhattaıtyn aýdıo jáne vıdeomaterıaldardy, sonyń ishinde sheteldik radıkaldy ýaǵyzshylardyń dáristerin taratqan.
Atalǵan materıaldardyń keıbiri buryn sot sheshimimen dinı alaýyzdyqty qozdyratyn aqparat retinde tanylyp, Qazaqstan Respýblıkasynyń aýmaǵynda taratýǵa tyıym salynǵan.
— Turǵylyqty jerlerin tintý barysynda túrli dinı mazmundaǵy materıaldar men basqa da aıǵaq zattar tárkilendi. Saraptama nátıjesinde osy materıaldardan dinı alaýyzdyqty nasıhattaý belgileri anyqtaldy. Toptyń jetekshileri men belsendi músheleriniń tórteýi ýaqytsha ustaý ızolıatoryna qamaldy, qalǵandary qylmystyń kýágerleri retinde kinálaryn moıyndady, — delingen habarlamada.
Top bolyp qasaqana dinı alaýyzdyqty qozdyrý belgileri boıynsha sotqa deıingi tergeý júrgizilip jatyr.
Buǵan deıin habarlanǵandaı, Aıda Balaeva dinı ekstremızm men terrorızmdi nasıhattaıtyn 14 myńnan astam materıal joıylǵanyn aıtqan bolatyn.