Jambyl oblysynda demalys bastalǵaly 236 jasóspirim polıtsııa bólimderine jetkizildi

<p>TARAZ. KAZINFORM &ndash; Jambyl oblysynyń aýmaǵynda polıtsııa qyzmetkerleri kóktemgi demalys kezinde kámeletke tolmaǵandardyń qatysýymen bolatyn jazataıym oqıǵalar men ózge de oqıǵalardyń aldyn alýǵa baǵyttalǵan profılaktıkalyq is-sharalar keshenin ótkizip jatyr.&nbsp;</p>

Polıtseıler balalarǵa turmystaǵy, qoǵamdyq oryndardaǵy jáne kópshilik demalatyn oryndardaǵy tártipterdi, qaýipsizdik erejelerin, sondaı-aq ózderi paıdalanatyn jeke zattarynyń saqtalýyna jaýapkershilikteri týraly túsindiredi. Jasóspirimderge munymen qosa, jol qozǵalysy erejelerin saqtaý qajettiligi, rolıkter men velosıpedter teýip júrgende qulaqqap paıdalanýdyń qaýiptiligi týraly da eskertti.  

Kámeletke tolmaǵandar jónindegi ınspektorlar jastardyń jınalatyn oryndaryn jáne oıyn-saýyq oryndaryn tekserip, sondaı-aq ishki ister organdarynda esepte turǵan jasóspirimderdiń úılerine barýda. 

«Demalys bastalǵannan beri polıtsııa bólimderine 236 kámeletke tolmaǵan jasóspirim jetkizildi, 418 zańdy ókilder men ózge de eresek adamdar jaýapqa tartyldy. Ata-analary jumysta bolatyndyqtan, demalys kezinde balalar kóbinese ózderimen ózderi júredi. Kámeletke tolmaǵandar tarapynan jáne olarǵa qatysty quqyq buzýshylyqtardyń aldyn alý úshin zańdy ókilder balalarynyń bos ýaqytyna baqylaýdy kúsheıtýi, olardyń qaıda júrgenin baqylaýdy júzege asyrýy qajet.  Qurmetti ata-analar, balalaryńyz kámeletke tolǵanǵa deıin ol úshin jaýapty bolatyndaryńyz esterińizde bolsyn!» – dedi Jambyl oblysy PD JPQB ıývenaldy polıtsııa tobynyń erekshe tapsyrmalar jónindegi aǵa ınspektory polıtsııa maıory Álisher Qalyshev.