Jambyl oblysynda bir kúnde 45 kólik aıypturaqqa qoıyldy

<p>TARAZ. KAZINFORM &ndash; Jambyl oblysynda &laquo;Qaýipsiz jol&raquo; jedel aldyn alý is-sharasy ótip jatyr.&nbsp;</p>

«Reıdtiń birinshi kúninde oblys aýmaǵynda 2 593 ákimshilik quqyqbuzýshylyq anyqtaldy. 45 kólik aıypturaqqa qoıyldy. Sondaı-aq mas kúıde kólik basqarǵan 5 júrgizýshi jaýapqa tartyldy, 47 kólik manevr jasaý erejelerin buzdy. Bul rette 99 júrgizýshi qaýipsizdik beldigin taqpaǵan, al 17 adam baǵdarshamnyń tyıym salý belgisinen ótip ketken», - delingen Jambyl oblystyq PD baspasóz qyzmeti taratqan aqparatta. 

Munymen qosa, bul kúni kólikti tıisti qujattarsyz basqarǵan 10 júrgizýshi anyqtalǵan. 268 jaıaý júrginshi joldyń belgilenbegen jerlerinen ótkeni úshin jaýapkershilikke tartylǵan. 

Buǵan deıin Jambyl polıtseıleri memleketaralyq izdeýde júrgen áıeldi ustaǵanyn habarlaǵan bolatynbyz.