Jambyl oblysynda ákimdik qyzmetkeri sottaldy

<p>TARAZ. KAZINFORM - Laýazymdy tulǵanyń jer berý kezinde qyzmettik jalǵandyq jasaý faktisin Baızaq aýdanynyń prokýratýrasy taldaý barysynda anyqtady.</p>

Jambyl oblysynyń prokýratýrasynyń málimetinshe, aýdan ákimdiginiń jer qatynastary bóliminiń bas mamany resmı qujattarǵa jalǵan málimetter engizip, 4 jeke tulǵaǵa 465 gektar jalǵa beriletin jerdi zańsyz alýǵa múmkindik bergeni anyqtaldy.

Osy fakti boıynsha aýdan prokýratýrasy Qylmystyq kodekstiń 369-babynyń 1-bóligi (qyzmettik jalǵandyq) boıynsha sotqa deıingi is júrgizýdi tirkedi.

29.04.2024 jyly aýdandyq sottyń úkimimen jergilikti atqarýshy organnyń bas mamany memlekettik qyzmette belgili bir qyzmetpen aınalysý quqyǵynan ómir boıyna aıyra otyryp, 1 jyl 6 aıǵa bas bostandyǵyn shekteý jazasyna kesildi.

Sot úkimi zańdy kúshine engen joq.

Qazirgi ýaqytta engizilgen qadaǵalaý aktisi boıynsha zańsyz berilgen jer telimderi tolyǵymen memleketke qaıtaryldy.