Jambyl oblysynda 700 myń gektarǵa jýyq jaıylym jetispeıdi

<p>TARAZ. KAZINFORM — Jambyl oblysynda mal basyn ustaýǵa bolatyn aýyl sharýashylyǵy maqsatyndaǵy jer kólemi — 3,6 mln gektar. Al eldi mekender mańynda 741 myń, orman qory jerinde 1,7 mln, bosalqy jer qorynda 942,5 myń gektar jaıylym bar. Bul oblys aýmaǵynyń 58,2 paıyzyn alyp jatyr.</p>

«Bıyl jaıylym jetispeýshiligin anyqtaý maqsatynda oblystyq prokýratýra organdarymen birlesip zerdeleý júrgizildi. Nátıjesinde eldi mekenderge 683 myń gektar jaıylym jetispeýshiligi anyqtaldy. Bul jetispeýshilikti júıeli túrde sheshý úshin 5 baǵyt qarastyryp otyrmyz», — dedi Jambyl oblysy ákimdigi jer qatynastary basqarmasynyń basshysy Ermek Karentaev. 

Basqarma basshysynyń aıtýynsha, atalǵan bes baǵyttyń biri — ortaq jaıylym jerlerdiń paıdalanýǵa berilip ketken bóligin eldi mekenderge qaıtarý boıynsha eki jylda 50,1 myń gektar jer qaıtarylǵan.

31,6 myń gektar jer ýchaskeleriniń ıeleri qaıtys bolyp ketkendikten, ol jer telimderi qaıta rásimdelgen. 

Byltyr 201,2 myń gektar jer memleket menshigine qaıtarylǵan.