Jambyl oblysynda 700 balaǵa 1 psıhologtan keledi

<p>Jambyl oblysynda orta eseppen 600-700 balaǵa bir psıhologtan keledi. Sondyqtan mektep psıhologtarynyń jumysy tıimsiz, dep habarlaıdy <a href="Kazinform" target="_blank" rel="noopener">Kazinform</a>.</p>

Bul týraly oblystyq prokýratýra janyndaǵy konsýltatıvtik keńestiń uıymdastyrýymen Tarazdaǵy «Oqýshylar saraıynda» «Balalardyń qaýipsizdigi – qoǵamnyń mindeti» taqyrybynda ashyq forýmda talqylandy.

Forýmda oblys prokýrory Nurǵalym Ábdirov sondaı-aq, psıhologtar balalardyń aldynda turǵan problemalardy erte anyqtaý qajettigin, alaıda, bul rette olardyń balalarmen jumys isteý kestesinde bólek saǵaty joq ekenin aıtty. Munymen qosa, tómen jalaqy men biliktilik profılaktıkalyq áser bermeıtin kórinedi.

Osyǵan baılanysty Taraz qalasynda pedagog qyzmetkerleri men psıhologtardyń biliktiligin arttyrý ortalyǵy ashylǵan bolatyn. Qazirgi tańda onda 350 pedagog-psıholog daıyndyqtan ótken.

Budan bólek Nurǵalym Ábdirov «Jambyl oblysy prokýratýrasynyń Konsýltatıvtik keńesiniń janynan balalardyń quqyqtaryn qorǵaý jónindegi shtab ashylatyndyǵyn jetkizdi.