Jambyl oblysynda 50-ge jýyq qoı órtke orandy

<p>TARAZ. KAZINFORM &ndash; Jambyl oblysy Sarysý aýdanynyń Qaratas aýylyndaǵy turǵyn úıdiń aýlasynan órt shyǵyp, 1 jylqy, 47 qoı órtendi.</p>

Tótenshe jaǵdaılar departamenti kúshter men quraldardy jedel basqarý ortalyǵynyń «101» qyzmetine mal qoranyń órtke oranǵany týraly habarlama 25 naýryz kúni 21 saǵat 43 mınýtta kelip túsken. Oqıǵa ornyna Jańatas qalasynyń №16 órt sóndirý bóliminiń 1 bólimshesi, erikti órt quralymynan 7 adam, 1 Nıva avtokóligi, jergilikti atqarýshy organnan tirkemesi bar 1 MTZ-80 traktory shyqqan. Aýmaǵy 220 sharshy metrdi sharpyǵan órt 22 saǵat 36 mınýtta oqshaýlanyp, 22 saǵat 56 mınýtta joıylǵan. 

«Mal qora aýlasynda barlyǵy 228 bas usaq mal (qoı) bolǵandyǵy anyqtaldy. 1 jylqy men 47 bas qoı órt saldarynan joıyldy. Aýyl turǵyndarynyń, jergilikti atqarýshy organdar ókilderiniń jáne órt sóndirýshilerdiń kómegimen órtengen sharýashylyq ǵımaratynan maldy qaýipsiz jerge aıdap shyǵarý jumystary uıymdastyryldy. Osylaısha 180 bas mal qutqaryldy. Órttiń shyǵý sebebi elektr symdarynyń qysqa tuıyqtalýynan oryn alǵan. Atalǵan órt saldarynan zardap shekkender men qaza tapqandar tirkelgen joq», – delingen oblystyq tótenshe jaǵdaılar departamentiniń baspasóz qyzmeti taratqan relızde.