Jambyl oblysynda 5 blok-beket qoıyldy

<p>Jambyl oblysy PD bastyǵy polıtsııa general-maıory Armanbek Baımýrzın óziniń Facebook-tegi paraqshasynda aýa raıyna baılanysty qazirgi ahýal týraly jarııalady, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

PD bastyǵy 16 jeltoqsandaǵy jaǵdaı boıynsha, jaýyn-shashynnyń saldarynan joldyń qatty kóktaıǵaq bolýyna baılanysty «Almaty-Tashkent-Termez» tas jolynyń 239-dan 593-shaqyrymyna deıin (Túrkistan oblysynyń shekarasy) kólik quraldarynyń barlyq túri úshin jol jabyq ekenin jazdy.

«Polıtsııa qyzmetkerlerimen barlyq aýdannyń aýmaǵyna blok-beketter qoıyldy. Atap aıtqanda, Qordaı, Merki, T.Rysqulov aýdandary, Taraz qalasy jáne Túrkistan oblysynyń shekarasy. Azamattar úshin 65 jylytý pýnkti jumys istep tur. Qazirgi ýaqytta onda 36 adam jetkizildi. Osy sátke oqys oqıǵa men ólim derekteri bolǵan joq», - delingen jazbada.