Jambyl oblysynda 40 keliden astam esirtki daıyndaǵan shopan ustaldy

<p>TARAZ. KAZINFORM &ndash; Jambyl oblysynda jedel ýákilder sharýa qojalyǵynyń aýmaǵynda 40 myń dozadan asatyn marıhýanany tárkiledi.</p>

Oblystyq polıtsııa depertamenti baspasóz qyzmetiniń taratqan aqparatyna súıensek, esirtki zattaryn asa iri mólsherde saqtady degen kúdikpen Pavlodar oblysynyń 47 jastaǵy turǵyny ustalǵan. Er adam Merki aýdanynda malshy bolyp jumys istegen. Kúdiktiniń aıtýynsha, ol jabaıy qarasorany taýyp, ony jınap, keptirip, ózi tutynýy úshin saqtaǵan.

Іzdeý barysynda kúdiktiniń kúrteshesiniń qaltasynan marıhýana oramasy tabylǵan. Tárkilengen zattyń kóp bóligi jaqyn mańdaǵy mal fermasynda saqtalǵan. Ári qaraı sharýa qojalyǵynyń aýmaǵyndaǵy saraıdan 3 polıetılen paket jasyrylǵan oryn tabylyp, odan jabaıy qarasora sabaqtary shyqqan. Kúdikti marıhýanany qysta ózi tutynýy úshin daıyndaǵanyn moıyndady.

«Polıtseıler barlyǵy 40 keli 240 gramm keptirilgen marıhýana esirtkisin tárkiledi. Ustalǵan adam urlyq jasaǵany úshin buryn sotty bolǵan. Ol óz kinásin moıyndady. Qazirgi ýaqytta ol qamaýǵa alyndy», - dedi oblystyq polıtsııa departamenti esirtki qylmysyna qarsy is-qımyl basqarmasynyń bastyǵy Álim Bajyqbaev. 

Aıta keteıik, buǵan deıin Tarazda 18 jyl memleketaralyq izdeýde júrgen sheteldik azamat ustalǵanyn jazǵan bolatynbyz. Sondaı-aq Jambyl oblysynda 200 adam qarjy pıramıdasyna aldanǵanyn habarlaǵanbyz.