Jambyl oblysynda 4 jasar balanyń basy kólikterdiń arasyna qysylyp qaldy

<p>Jambyl oblysynyń Qordaı aýdanynda 4 jasar búldirshin eki kóliktiń arasyna túsip, mı jaraqatyn aldy, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Jambyl oblystyq polıtsııa departamenti baspasóz qyzmeti taratqan málimetke súıensek, ulyn balabaqshadan alyp qaıtyp bara jatqan anasy basqa kólikti baıqamaı qalǵan.

«Osy jaǵdaıda anasy uqyptylyq tanytyp, balasyna muqııat qaraǵanda jazataıym oqıǵanyń aldyn alýǵa bolatyn edi. Polıtsııa ata-analardyń nazaryn óte mańyzdy máselege — balalardyń jaraqattanýy kóbinde eresekterdiń nemquraılyǵynan bolatynyna aýdarǵysy keledi. Jalpy, bıyl oblysta 10 aı ishinde balalardyń qatysýymen 284 jol-kólik oqıǵasy tirkeldi, onda 23 bala qaıtys bolsa, 353 bala jaraqat aldy. Zardap shekken balalardyń jartysynan kóbi — tasymaldaý erejesi buzylǵan, ıaǵnı balalardy ustap otyratyn qurylǵysy joq avtomobıldegi jolaýshylar. Jyl basynan beri osyndaı kemshilikke jol bergen 1313 ata-ana ákimshilik jaýapkershilikke tartyldy», — deıdi baspasóz hatshysy Gúlsara Muhtarqulova.

Buǵan deıin Tarazda 18 jastaǵy júrgizýshige birden 5 aıyppul salynǵanyn habarlaǵan bolatynbyz.