Jambyl oblysynda 280 kásipkerdiń quqyǵy qorǵaldy

<p>Jambyl oblysy boıynsha sybaılas jemqorlyqpen kúres departamenti mamandary kásipkerler palatasymen birlesip, 280 kásipkeriniń quqyqtary qorǵaldy. Nátıjesinde 4 laýazymdy tulǵa tártiptik, 1 laýazymdy tulǵa ákimshilik jaýapqa tartyldy, dep habarlaıdy <a href="https://kaz.inform.kz/" target="_blank" rel="noopener">QazAqparat</a>.</p>

Bul týraly óńirlik kommýnıkatsııalar qyzmetinde ótken brıfıngte departamenti basshysynyń birinshi orynbasary D.Omarov aıtty.

"Máselen, «Jambyl Sý» ShJQ MKK basshylyǵynyń sharttyq mindettemelerdi ýaqtyly oryndamaýyna qatysty kásipkerler tarapynan shaǵym tústi. Shaǵymdy zerdeleý barysynda mekemeniń jalpy somasy 152 mln teńge 98 kásipkerge (221 shart boıynsha) aqshalaı bereshegi bar ekeni anyqtaldy. Departament Taraz qalasy ákimine tıisti hat joldap, «Jambyl Sý» bereshekti tóleý kestesin quryp, qazirgi ýaqytta bereshekterdi óteý boıynsha jumystar júrgizilýde", - dedi spıker.

Odan bólek, «Kólik servıs ortalyǵy» AQ qyzmetin zerdeleý barysynda kásipkerler aı saıyn bir aı merzimge jol júrýge, kirme jolǵa turaqtaýǵa sharttar jasaýǵa májbúr bolatyny anyqtaldy. Bul óz kezeginde jemqorlyq táýekelderine alyp keledi. Departamenttiń usynysymen kólik servısiniń basshylyǵy kásipkerlermen bir jylǵa kelisim jasasý týraly sheshim qabyldandy.