Jambyl oblysynda 2,2 mlrd teńge somasyna memlekettik satyp alý konkýrsynyń kúshi joıyldy

<p>TARAZ. KAZINFORM &ndash;&nbsp;Jambyl oblysynyń prokýratýrasy 2,2 mlrd teńge somasyna memlekettik satyp alý konkýrstarynyń kúshin joıdy. Bul týraly oblys prokýratýrasynyń baspasóz qyzmeti habarlady.</p>

Reıtıngtik-baldyq júıeni paıdalana otyryp, konkýrs tásilimen memlekettik satyp alýdy taldaý sheńberinde málimetterdi burmalaý faktisi anyqtaldy.

Qatysýshylardyń biri óz biliktiligi týraly durys emes málimetter bergen. Ol buryn oryndalǵan obektiler týraly aqparatty burmalaıtyn qujattardy veb-portaldyń elektrondyq depozıtarııine salyp, nátıjesinde jumys tájirıbesin arttyrǵan. Bul josyqsyz qatysýshyny quny 2,2 mlrd teńge bolatyn sýmen jabdyqtaý obektilerin salýǵa arnalǵan konkýrstyń jeńimpazy dep tanýǵa negiz boldy.

Prokýrorlyq qadaǵalaý aktisiniń negizinde oblys ákimdigi merdigerdi memlekettik satyp alýǵa josyqsyz qatysýshy jáne konkýrstardyń qorytyndylaryn jaramsyz dep taný týraly MAES-ke talap qoıý engizdi.

07.08.2024 jyly talap qoıý tolyǵymen qanaǵattandyryldy.

Buǵan deıin Jambyl oblysynda aýdan ákiminiń mindetin atqarýshy para alǵany úshin sottalǵanyn jazǵan bolatynbyz.