Jambyl oblysynda 1600-den astam bala senimhat boıynsha tárbıelenedi

<p>Jambyl oblysynyń prokýratýrasy senimhat boıynsha tárbıelenetin 1 600-den astam balany anyqtady, dep habarlaıdy <a href="Kazinform" target="_blank" rel="noopener">Kazinform</a>.</p>

Bul týraly Tarazdaǵy «Oqýshylar saraıynda» «Balalardyń qaýipsizdigi – qoǵamnyń mindeti» taqyrybynda ashyq forýmda talqylandy.

Oblys prokýrory Nurǵalym Ábdirovtyń aıtýynsha, prokýrorlar berilgen notarıattyq senimhattar negizinde otbasylarda tárbıelenetin 1600-den astam balany anyqtaǵan. ıAǵnı 1600 bala is júzinde zańdy ókildersiz turady.

«Osyǵan baılanysty prokýrorlyq den qoıý aktisi boıynsha notarıýstardyń mundaı tájirıbesi toqtatyldy, kináli adamdar jaýapqa tartyldy.

Oblys prokýratýrasynyń bastamasy boıynsha ata-ananyń naqty ornalasqan jerin anyqtaý, sondaı-aq olardyń turý jáne tárbıeleý jaǵdaılaryn tekserý maqsatynda barlyq osyndaı balalar boıynsha qarsy baryp tekserýler uıymdastyryldy. Oblystyń Notarıattyq palatasy osyndaı senimhattardyń kúshin joıý boıynsha jumysty bastady», – dedi oblys prokýrory.