Jambyl oblysynda 105 mln teńge bıýdjet qarjysyn jymqyrǵandar ustaldy

<p>ASTANA. KAZINFORM - Jambyl oblysy Rysqulov aýdanynyń prokýratýrasy agroónerkásiptik keshendi damytýdyń 2017-2021 jyldarǵa arnalǵan memlekettik baǵdarlamasy sheńberinde bólingen qarajatty jymqyrý faktisin anyqtady.</p>

Oblystyń eki turǵyny 108 sharýanyń atynan qujattardy qoldan jasap, aýyl sharýashylyǵy tehnıkasyn satyp alý shyǵystaryn sýbsıdııalaýǵa bólingen 105,3 mln teńgeni zańsyz alǵany anyqtaldy.

30 naýryzda aýdan prokýratýrasy alaıaqtyq faktisi boıynsha QK-tiń 190-babynyń 4-bóliginiń 2-tarmaǵymen sotqa deıingi tergep-tekserý isin tirkedi.

Qylmystyq isti tergeý oblystyq Ekonomıkalyq tergep-terserý departamentine júkteldi. Qazirgi ýaqytta tergeý amaldary júrgizilýde.

QPK-niń 201-baby negizinde ózge aqparat jarııalaýǵa jatpaıdy.