Jambyl oblysynda 1000-nan astam kólik kepteliste tur

<p>&nbsp;750-den astam polıtsııa qyzmetkeri Jambyl oblysynyń tas joldarynda kúndiz-túni kezekshilik etip jatyr, dep habarlaıdy<a href="https://kaz.inform.kz/" target="_blank" rel="noopener"> Kazinform.&nbsp;</a></p>

Jambyl oblysy Polıtsııa departamentiniń bastyǵy polıtsııa general-maıory Armanbek Baımýrzın joldardaǵy kúrdeli jaǵdaıǵa baılanysty júrgizýshilerge taǵy da eskertý jasady.

Qarly boran, kóktaıǵaq, kóriný múmkindigi shekteýli. Saldarynan «Batys Eýropa-Batys Qytaı» avtojolynyń 163-ten 230-shaqyrymyna deıingi ýchaskesi (jańa Qordaı asýy), «Merki-Shý-Býrylbaıtal» avtojolynyń Astana qalasy baǵytyndaǵy 125-shaqyrymy, Túrkistan oblysymen shekarada Shaqpaq aýyly mańyndaǵy Kúıik asýy jabyldy.

«Aýa raıy jaqsarǵanǵa deıin atalǵan aýmaqtar sizderdiń qaýipsizdikterińiz úshin jabylady. Shekteý sharalaryna túsinistikpen qaraýdy suraımyn. Saǵat saıyn bizge buzylyp qalǵan mashınalar týraly habarlamalar túsýde. Tas joldarda 1000-nan astam avtokólik keptelip tur. Polıtsııanyń 750-den astam qyzmetkeri olarǵa kómektesip, táýlik boıy kezekshilik etýde. Biz kúsheıtilgen rejımde jumys istep jatyrmyz», - dep atap ótti departament bastyǵy.

Onyń sózinshe, keıbir júrgizýshiler shekteýlerdi elemeýge tyrysyp, ózderiniń ǵana emes, jolaýshylardyń da ómirine qaýip tóndirýde. PD bastyǵy barlyǵyn aýa-raıynyń jaqsarýyn kútýge jáne alys saparlardy birneshe kún keıinge qaldyrýǵa shaqyrdy.