Jambyl oblysynda 100-ge jýyq mektep aǵymdaǵy jóndeýden ótti

<p>TARAZ. KAZINFORM &ndash; Jambyl oblysynda 96 bilim nysanynyń aǵymdaǵy jóndeý jumystary aıaqtaldy. Al 9 mektep pen 1 mektepten tys mekemege kúrdeli jóndeý jumystary áli de júrgizilip jatyr.</p>

Jalpy oblysta 2024-2025 jyldary aralyǵynda 41 bilim berý nysanynyń qurylysyn júrgizý josparlanǵan bolatyn. Bıyl sonyń 18-iniń qurylysy aıaqtalady. Onyń 6-y «Jaıly mektep» ulttyq jobasy aıasynda qoldanysqa beriledi. 

Bul týraly Jambyl oblysynyń ákimi Erbol Qarashókeevtiń tóraǵalyǵymen ótken apparattyq keńeste aıtyldy.

Sondaı-aq keńeste oblystyq bilim basqarmasynyń basshysy Raýan Sadyrqulov: 

«Jańa oqý jylynda oblystaǵy 507 orta bilim berý uıymy 248 myńnan asa oqýshyny qabyldaıdy. 1-synypqa boljam boıynsha 20800 bala qabyldanady.

Kópbalaly jáne az qamtylǵan otbasy balalaryn ystyq tamaq, kıim-keshek jáne jazǵy saýyqtyrýmen qamtamasyz etýge 5,6 mlrd. teńge bólindi. Oqý jylyna kıim-keshek alý úshin ár balaǵa 47 389 teńgeden berildi», – dedi.

Al «Mektepke jol» respýblıkalyq qaıyrymdylyq aktsııasy oblysta áli de jalǵasyp jatyr. Búginge deıin demeýshilerdiń esebinen 1 481 balaǵa 38 mln. 747 myń teńgeniń kómegi kórsetilgen.

Buǵan deıin Jambyl oblysynda 60 mektepte sportzal, 31 mektepte ashana, 39 mektepte kitaphana joǵyn jazǵan bolatynbyz.