Jambyl oblysyna Qyrǵyz Respýblıkasynyń kómek kolonnasy kelip toqtady
Sý tasqyny jaǵdaıy qalyptasqan óńirler úshin kómek júgi bar kerýendi Qyrǵyz Respýblıkasy tótenshe jaǵdaılar vıtse-mınıstri Edelbek Qulmatov bastap keldi. 7 fýra men eki pıkaptan turatyn kerýende sondaı-aq,15 qyrǵyz qutqarýshysy bar.
Jambyl oblysynda atalǵan avtokolonnany Jambyl oblysy TJD bastyǵy Arman Toqanov, onyń orynbasary Rýslan Orynbekov jáne jergilikti atqarýshy organdardyń ókilderi qarsy aldy. Qıyn-qystaý kezeńderde qazaqstandyqtardy qoldaǵany úshin alǵys bildirgen oblys kásipkerleri júrgizýshiler qutqarýshylardy tamaqtandyrý jaǵyn uıymdastyrdy. El aýmaǵy boıynsha oblystardyń polıtsııa departamentteriniń bólimshelerimen súıemeldeý jaǵy da uıymdastyryldy.
Gýmanıtarlyq kómek Aqtóbe, Atyraý, Batys Qazaqstan, Qostanaı jáne Mańǵystaý oblystaryna jiberiledi.
Aıta keteıik, buǵan deıin Jambyl oblysynan Atyraýǵa tehnıkalar jóneltile bastaǵanyn jazǵan bolatynbyz.