Jambyl oblysy Merki aýdanynyń ákimi taǵaıyndaldy
Erbol Qarashókeev aýdan aktıvine jańa ákimdi tanystyryp, jumysyna sáttilik tiledi.
Oblys ákimi Memleket basshysynyń tapsyrmalaryn nátıjeli oryndaý, aýdannyń áleýetin jáne memlekettik baǵdarlamalardyń múmkindikterin utymdy paıdalana otyryp, halyqtyń ál-aýqatyn arttyrý basty mindet ekenin basa aıtty.
Sonymen qatar, ınvestıtsııa tartý, salyq bazasyn ulǵaıtý, qoǵamdyq-saıası turaqtylyqty saqtaý, jańa jumys oryndaryn ashý jáne kásipkerliktiń áleýmettik jaýapkershiligin arttyrýǵa baǵyttalǵan aýqymdy jobalardy júzege asyrý boıynsha naqty jumystar júrgizý kerektigin atap ótti.
Óz kezeginde Erbol Jıenqulov artylǵan senimdi aqtaýǵa, barlyq mindetterdi jemisti júzege asyrýǵa kúsh salatynyna sendirdi.
Erbol Jumabekuly 1986 jyly Jambyl oblysy Talas aýdanynda dúnıege kelgen. Bilimi joǵary. Qazaq Ulttyq agrarlyq ýnıversıtetin «veterınarlyq sanıtarııa», Taraz ınnovatsııalyq-gýmanıtarlyq ýnıversıtetin «quqyqtaný» mamandyǵy boıynsha bitirgen.
Eńbek jolyn 2008 jyly Qazaqstan Respýblıkasy aýyl sharýashylyǵy mınıstrligi Veterınarııalyq baqylaý jáne qadaǵalaý komıtetiniń «Respýblıkalyq epızootııaǵa qarsy kúres otrıady» RMQK Jambyl jáne Almaty boıynsha óńirlik fılıalynyń aǵa mamany bolyp bastaǵan.
2010-2020 jyldary Qazaqstan Respýblıkasy aýyl sharýashylyǵy mınıstrligi Veterınarııalyq baqylaý jáne qadaǵalaý komıtetiniń «Respýblıkalyq epızootııaǵa qarsy kúres otrıady» RMQK Jambyl oblysy boıynsha fılıalynyń jetekshi mamany, bas mamany, basshysy, 2020-2021 jyldary Jambyl oblysy ákimdigi veterınarııa basqarmasynyń basshysy, 2021-2022 jyldary Jambyl oblysy ákimdigi aýyl sharýashylyǵy basqarmasynyń basshysy qyzmetterin atqarǵan.
2022 jyldyń 1 jeltoqsanynan bastap búginge deıin Jambyl oblysy Jambyl aýdany ákiminiń orynbasary bolyp eńbek etip keldi.
Eske salsaq, osyǵan deıin ShQO Kúrshim aýdanyna jańa ákim taǵaıyndalǵanyn habarlaǵan edik.