Jambyl oblysy Baızaq aýdanyna jańa ákim taǵaıyndaldy

<p>ASTANA. KAZINFORM &ndash; Aýdan basshysy Oljas Baqqaraev boldy, dep habarlaıdy Kazinform-nyń menshikti tilshisi Jambyl oblysy ákimdiginiń baspasóz qyzmetine silteme jasap.&nbsp;</p>

O. Baqqaraev jańa qyzmetke Prezıdent Ákimshiligimen jáne Baızaq aýdandyq máslıhatymen kelisim boıynsha Jambyl oblysy ákiminiń ókimimen taǵaıyndaldy.

Ol 1985 jyly Taraz qalasynda dúnıege kelgen. Úılengen, eki ul, bir qyzy bar.

Sankt-Peterbýrg memlekettik elektrotehnıkalyq ýnıversıtetin «elektronıka jáne mıkroelektronıka» mamandyǵy boıynsha, Sankt-Peterbýrg memlekettik polıtehnıkalyq ýnıversıtetin «ekonomıka» mamandyǵy boıynsha bitirgen. 

Eńbek jolyn 2009 jyly «ARMTEL» JShS atqarýshy dırektory bolyp bastady. Ár jyldary «NULITS» jeke mekemesiniń damý qyzmetiniń basshysy, «Taraz Invest Konsalt» JShS sarapshysy, Jambyl oblysy ákimdiginiń qarjy basqarmasynyń bas mamany, Jambyl oblysy ákimi apparatynyń áleýmettik-ekonomıkalyq monıtorıng bóliminiń basshysy, Jambyl oblysy ákimdiginiń jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary, Jambyl oblysy ákiminiń orynbasary bolyp qyzmet atqarǵan. 

2023 jyldyń mamyr aıynan bastap Jambyl oblysy ákimdiginiń tabıǵı resýrstar jáne tabıǵat paıdalanýdy retteý basqarmasynyń basshysy laýazymyn atqardy. 

Buǵan deıin Jambyl oblysy boıynsha mobıldik topty daıyndaý bóliminiń basshysy taǵaıyndalǵan bolatyn. 

Bir kún buryn Ersin Eskendirov Abaı oblysy Aqsýat aýdanynyń ákimi bolyp taǵaıyndaldy.