Jambyl oblysy ákiminiń orynbasary taǵaıyndaldy
Serik Jaqsylyquly 1972 jyly týǵan. Bilimi joǵary. Qazaq memlekettik sáýlet-qurylys akademııasyn, Q.A.ıAssaýı atyndaǵy Halyqaralyq qazaq-túrik ýnıversıtetin, QR Prezıdentiniń janyndaǵy Memlekettik basqarý akademııasyn bitirgen.
Ár jyldary «Saltanat» shaǵyn memlekettik kásiporynda teri ótkerýshi, «Aqbastaý» shaǵyn jeke kásipornynda qurylys ýchaskesiniń sheberi, «Saltanat» shaǵyn memlekettik kásipornynda dırektordyń orynbasary, Jambyl aýdany ákimi apparatynyń uıymdastyrý jáne kadr bóliminiń bas keńesshisi, bas mamany, Baızaq aýdany ákimi apparatynyń uıymdastyrý jáne kadr bóliminiń meńgerýshisi, Jambyl oblystyq máslıhat apparatynyń bas mamany, uıymdastyrý jumystary bóliminiń meńgerýshisi, jetekshisi laýazymdaryn atqarǵan.
QR Mádenıet jáne aqparat mınıstrligi Til komıtetiniń normatıvtik-lıngvıstıkalyq jumystar basqarmasynyń bastyǵy (basshysy), QR Mádenıet mınıstrligi Til komıteti tóraǵasynyń orynbasary, QR Mádenıet jáne sport mınıstrliginiń Tilderdi damytý jáne qoǵamdyq-saıası jumys komıteti tóraǵasynyń orynbasary, atalǵan mınıstrliktiń Ákimshilik departamentiniń uıymdastyrý jumysy basqarmasynyń basshysy, túrli seriktestikterdiń jetekshisi, M.H. Dýlatı atyndaǵy Taraz óńirlik ýnıversıtetiniń apparat basshysy laýazymdarynda eńbek etken.
2022 jylǵy shilde aıynan bastap búginge deıin M.H. Dýlatı atyndaǵy Taraz óńirlik ýnıversıtetiniń Basqarma múshesi – Infraqurylymdy damytý jónindegi prorektory qyzmetin atqaryp keldi.
Oblys ákiminiń jańa orynbasary bilim, dene shynyqtyrý jáne sport, aqparat jáne qoǵamdyq damý, din, mádenıet jáne tilderdi damytý salalaryna jetekshilik etedi. Buǵan deıin aqparat jáne qoǵamdyq damý, din, mádenıet jáne tilderdi damytý salalaryna oblys ákimi apparatynyń basshysy jetekshilik etken.