Jambyl men Almaty oblysy fermerleri ótpeı qalǵan pııazdy ne isteıdi

<p>ASTANA. KAZINFORM &mdash; Saýda jáne ıntegratsııa mınıstrliginiń Qazaqstannyń 16 iri saýda jelisimen onlaın-kezdesý ótkizip, nátıjesinde Small, &laquo;Semeınyı&raquo; jáne &laquo;ıArmarka Retail&raquo; saýda jelileri sharýalardan ótpeı qalǵan pııazynyń bir bóligin tikeleı satyp alýǵa qyzyǵýshylyq bildirdi.&nbsp;</p>

Óz kezeginde Toimart jelisiniń ókili Sheńgeldiden pııaz jetkizý týraly kelisimge qol qoıǵanyn habarlady.

2023 jyly Qazaqstanda 1,1 mln tonna pııaz jınaldy. Sońǵy bes jylda pııaz óniminiń +23%-ǵa nemese 211,8 myń tonnaǵa artýy baıqalady, bul onyń artyq óndirilýine ákeldi.

Saýda komıteti qazirgi ýaqytta elimiz boıynsha bólshek saýdadaǵy pııazdyń ortasha baǵasy 99 tg/kg qurap otyrǵanyn habarlaıdy.

«Altyn Orda» bazaryndaǵy pııazdyń kóterme baǵasy sapasyna oraı 30-50 teńge shamasynda. Saýda jelilerinde — 58-den 140 teńge/kg aralyǵynda satylyp jatyr.

Ótken jyldyń jeltoqsan aıynda Aýǵanstan men Pákistannan kelgen kásipkerler Jambyl jáne Almaty oblystarynyń fermerlerine 80 tg / kg usyndy.

Alaıda fermerler bul usynystan bas tartyp, baǵanyń ósimin kútti.

Qańtar aıynda Qonaevta Almaty oblysynyń Sheńgeldi kentiniń pııaz óndirýshilerimen kezdesý ótip, onda aýǵan kásipkerleri kóp kólemdegi pııazdy 40 teńgeden satyp alýdy usyndy.

Dese de, taraptar baǵa boıynsha kelispedi. Fermerlerge ónimdi ótkizýshi úshin «Altyn Orda» bazarynda 100 tegin oryn usynyldy.

Endi Jambyl jáne Almaty óńirleriniń fermerleriniń qolyndaǵy qomaqty pııazdy eskere otyryp, elimizdiń 4 saýda jelisi pııazdy tikeleı óndirýshilerden satyp alady.

Jambyl jáne Almaty oblystarynyń fermerleriniń pııaz eksportyna arnalǵan jasyl dáliz

Qosymsha fermerlerge ónimdi ishki jáne syrtqy naryqtarda satýǵa járdemdesý maqsatynda jedel jumys toby quryldy.

Onyń quramyna QazTrade, QR Aýyl sharýashylyǵy mınıstrligi, QR SIM Saýda komıteti, QR KM Avtomobıl kóligi jáne kóliktik baqylaý komıteti, QR AShM AÓK Memlekettik ınspektsııa komıteti, Jambyl oblysynyń ákimdigi kirdi.

Jumys tobynyń mindeti — pııaz satýda jáne fıtosanıtarııalyq sertıfıkattar men basqa da ruqsat qujattaryn jedel berýde pııaz ósirýshilerge kómek kórsetý.

Budan basqa, Qazaqstan men Ózbekstan shekarasyn ótkizý pýnktterinde pııazdy úzdiksiz eksporttaý úshin jasyl dáliz jumys isteıdi.

Jambyl oblysynyń aýyl sharýashylyǵy basqarmasynyń málimetinshe, 2024 jyldyń 20 naýryzynan bastap qazaqstandyq aýyl sharýashylyǵy óndirýshileri eksportqa shamamen 23 myń tonna pııaz jiberdi.

Jetkizý kún saıyn júrgizilýde, qazirgi ýaqytta kúnniń jylyný jáne vagondarmen uzaq tasymaldaý qaýpine baılanysty ónim avtokólikpen jóneltilýde.

Jambyl oblysynan kúnine orta eseppen 881 tonna pııaz, negizinen Pákistanǵa eksporttalady.

Taǵy da 5 myń tonnany jóneltý úshin ruqsat alý qujaty ázirlenip jatyr.

Qazaqstandyq kókóniske Ózbekstan men Tájikstannan satyp alýshylar qyzyǵýshylyq tanytyp otyr.

Qazir taraptar qazaqstandyq kásiporyndarmen jetkizilimdi eskere otyryp, áleýetti mámileniń barlyq qatysýshylaryn qanaǵattandyratyn pııazdyń baǵasy týraly kelissóz júrgizýde.

Sondaı-aq, eksporttaýshylar Grýzııa men Italııaǵa pııaz jetkizý týraly kelisimderdi pysyqtap jatyr.

Osyǵan baılanysty, QR KM Avtomobıl kóligi jáne kóliktik baqylaý komıteti qazaqstandyq tasymaldaýshylarǵa pııaz partııalaryn shetelge jóneltý úshin «ruqsat berý» (tamaq ónimderiniń qaýipsizdiginiń ekologııalyq synybyn rastaý) máselesin sheshýge kómektesedi.

Pııazdy tasymaldaýǵa ketetin ýaqyt shyǵynyn azaıtý maqsatynda QR AShM Memlekettik ınspektsııa komıteti shekarada karantınge jatqyzylǵan ónimdi jedel tekserý boıynsha táýlik boıy beketter uıymdastyrý týraly sheshim qabyldady.

2 sáýirdegi jaǵdaı boıynsha Jambyl oblysynda satylmaǵan pııaz kólemi — 114,7 myń tonna, Almaty oblysynda — 16,5 myń tonna.