Jamby atý federatsııasy 2024 jylǵa arnalǵan josparyn jarııalady

<p>Jamby atý federatsııasynyń prezıdenti Erkebulan Іlııasov osy sportty damytý josparyn jarııalady, dep habarlaıdy <a href="Kazinform" target="_blank" rel="noopener">Kazinform</a>.</p>

«Jamby atý sportshylary 2023 jyldy jaqsy jetistiktermen aıaqtap jatyr. El ishinde chempıonattar uıymdastyryldy, sondaı-aq Frantsııa, Vengrııa, Mońǵolııada bizdiń sportshylar altyn, kúmis alyp, júldeli oryndardan kórindi. Atap aıtqanda, ulttyq quramany sporttyq kıimmen, zamanaýı úlgidegi qural-jabdyqtarmen qamtamasyz ettik», - dedi E. Іlııasov Ortalyq kommýnıkatsııalar qyzmetindegi baspasóz máslıhatynda.

Onyń aıtýynsha, jamby atýdan ótetin jarystardyń sapasyn arttyrý maqsatynda 2023 jyly federatsııa birqatar is-sharalardy júzege asyrdy. Osy oraıda jarysqa arnalǵan lazerlik taımer, nátıjelerdi tirkeýge arnalǵan beınebaqylaý júıesi, jarys alańynda qaýipsizdikti qamtamasyz etýge arnalǵan jol belgileri, zamanaýı nysanalar, ratsııalar, oq qaǵatyn qorǵanysh tory satyp alyndy.

«Aldaǵy josparǵa toqtalsaq, jarystardyń sanyn arttyrý maqsatynda 2024 jylǵa 12 respýblıkalyq, 6 halyqaralyq jarys belgilendi», - dedi ol.

Odan bólek, Erkebulan Іlııasov ulttyq sportty jastar arasynda dáripteý maqsatynda jamby atý tarıhy keńinen tarqatylyp baıandalatyn, sporttyń qyr-syry áńgimelengen kitap daıyndalyp jatqanyn aıtty. Oǵan qosa balalarǵa arnalǵan komıkster basylyp shyǵarylmaq. Keler jyly sporttyń osy túri boıynsha smartfondarǵa arnalǵan qosymsha iske qosylmaq.

«Osy ýaqytqa deıin jamby atý jarystarynda qyzdar erlermen birge jarysyp júrgen bolatyn. Endi qyzdar arasynda eń jaqsy nátıje kórsetkenderge «Tomırıs» júldesi beretin boldyq», - dedi ol.

Federatsııa basshysy keler jyldary Shymkent qalasynda jamby atý sportynyń úlken akademııasyn ashý josparlanǵanyn jetkizdi.

«Ulttyq sport túrlerin nasıhattaý baǵytynda fılm túsirý bastamasyn kóterip jatyrmyz. Bizdiń qoǵam ulttyq dástúrimiz, sportymyz jaıynda keńinen málimet alýy kerek sanaımyn», - dedi E. Іlııasov.

Taratylǵan málimetke qaraǵanda, Saýd Arabııasynyń Ál-Ýla qalasynda Álem kýboginiń fınalyna elimizdiń namysyn qorǵaýǵa 3 sportshy men 1 jattyqtyrýshy barady. Dúbirli dodaǵa álemniń túkpir-túkpirinen eń myqty sportshylar qatysady.

7-10 jeltoqsan aralyǵynda Shymkentte, ıaǵnı qysqy maýsymda uıymdastyrylyp otyrǵan alǵashqy týrnırge Qazaqstannyń barlyq óńirinen 100-ge jýyq sportshy qatyspaq.