Jamaýbaev: Ulttyq kompanııalardyń bir kózden satyp alý tásilin qysqartý jalǵasady
«Osy jyldan bastap «Samuryq-Qazyna» qoryn qosa alǵanda ulttyq kompanııalardyń satyp alýyn retteıtin Zań qoldanysqa engizildi. Ulttyq kompanııalarda bir kózden satyp alýdyń 12 negizi, al qor boıynsha 10 negiz qysqartyldy. Ulttyq kompanııalardyń satyp alýlary tolyǵymen avtomattandyrylyp, memlekettik satyp alý tásilderine barynsha sáıkestendirildi. Búkil protsess aıqyn jáne barlyǵyna qoljetimdi. Ulttyq kompanııalar men qordyń bir kózden satyp alý tásilin qysqartý boıynsha is-sharalar jalǵasatyn bolady», - dedi mınıstr.
Onyń atap ótýinshe, «Samuryq-Qazyna» qorynyń Satyp alý tártibin qaıta qaraý boıynsha jumys júrgizilýde.
«Bul rette, holdıngishilik kooperatsııa sheńberinde satyp alýdy alyp tastaý usynylýda. Sonymen qatar ashyqtyqty kúsheıtý, bir kózden alý tásilimen satyp alýdy qysqartý, memlekettik satyp alý tásilderi men rásimderi men tártipti úılestirý, sondaı-aq artyq silteme jasamaı, olardyń bir qujatpen retteýdi belgileý turǵysynan tıisti usynystar berildi. Qor satyp alý portalynyń aqparattyq tolymdylyǵyn, sondaı-aq onlaın rejıminde shaǵym berý múmkindigin qamtamasyz etýi tıis. Qormen birlesken jumys jalǵastyrylýda», - dedi Erulan Jamaýbaev.