Jalpyulttyq halyq sanaǵynyń alǵashqy kezeńi: Túrkistan oblysynda 2 003 479 adam turady

TÚRKІSTAN. QazAqparat - Jalpyulttyq halyq sanaǵynyń alǵashqy kezeńinde Túrkistan oblysynda turatyn halyqtyń sany 2 003 479 adamdy quraǵan. Búginde óńirde sanaq júrgizýge óńirden 127 ýákil, 50 nusqaýshy-baqylaýshy jáne 352 ıntervıýer jumysqa tartylǵan, dep habarlaıdy QazAqparat tilshisi.

Oblystyq statıstıka departamentiniń málimetinshe, sanaq protsesiniń eki kezeńin júrgizý úshin aımaqta 3 myńǵa jýyq azamat tartylmaq. Onyń ishinde 400-ge jýyq nusqaýshy-baqylaýshy, 2500-ge jýyq sanaqshy qyzmet etedi dep josparlanyp otyr.

Al, sanaq júrgizetin ıntervıýerlerge kók tústi «Halyq sanaǵy» sımvolıkasy bar sharf, kók tústi sómke, plansheti jáne Intervıýer ekenin aıshyqtaıtyn beıdj-qujattary berilmek. Ol qujattarda fotosýreti, aty-jóni, tıisti aýmaqtyq statıstıka bóliminiń móri jáne nómiri kórsetiledi. Ol nómirdi sanaq.gov.kz saıtyndaǵy «ıntervıýerdi izdeý» jolaǵyna engizý arqyly tekserýge bolady.

Aıta keteıik, eliizdegi halyq sanaǵy eki kezeńmen júrgizilmek. Birinshi – daıyndyq kezeńi maýsym aıynda ótken bolatyn. Ulttyq halyq sanaǵynyń ekinshi, negizgi kezeńin 1 qyrkúıekten 30 qazan aralyǵynda ótkiziledi.