Jalpyǵa birdeı deklaratsııalaý ádil salyq salýǵa múmkindik beredi - B. Sultanov

ASTANA. QazAqparat - Jalpyǵa birdeı deklaratsııalaý ádil salyq salýǵa múmkindik beredi. Bul týraly búgin Astanada halyqqa esep berý kezdesýinde QR Qarjy mınıstri Baqyt Sultanov málim etti.

Mınıstr búginde jalpyǵa birdeı deklaratsııalaý turǵysynda qoǵamda kóptegen saýaldar bolyp jatqanyna toqtala kele: «Bul júıe bizge ádil salyq salýǵa qol jetkizýge múmkindik beretinin atap ótkim keledi», - dedi.

Osy turǵyda Qarjy mınıstrligi osy júıeni engizýdi negizgi maqsattardyń biri retinde qarastyryp otyr.

«Atalǵan júıede eleýli salyqtyq shegeristerdi engizý eskerilip otyr, bul óz kezeginde halyqqa óz kiristerin bilim alýǵa, em alýǵa, ıpotekany jabý úshin jumsaýǵa múmkindik beredi»,-dedi B. Sultanov.

Belgili bolǵandaı, osy sharalardy atqarýǵa qajetti ınfraqurylym qazirgi kezde daıyn tur.

«Deklaratsııanyń tártibi qarapaıym jáne halyqtyń basym bóligine, ıaǵnı asa iri tabysy joqtar úshin deklaratsııa bir ǵana paraqpen shekteletin bolady. Biz tıisti túsindirý jumystaryn júrgizemiz. Meniń oıymsha, bul júıe qıyndyqsyz engizilýi tıis»,-dedi ol.