Jalpy respýblıka boıynsha turaqtandyrý qorlaryna 145 816,4 tonna azyq-túlik satyp alyndy
Atalǵan mınıstrliktiń baspasóz qyzmetiniń málimetinshe, «Astana Agro» SDO kókónis qoımasy aýyl sharýashylyq ónimderiniń saqtaý ınfraqurylymyn damytýǵa baǵyttalǵan jáne Astana qalasynyń azyq-túlik beldeýin qalyptastyratyn strategııalyq mańyzdy nysandardyń biri.
Zamanaýı keshen 2012 jyldyń mamyr aıynda iske qosyldy. Nysan 10690 sh.m. aýmaqty qamtydy. Jalpy saqtaý qoımalary 8500 tonnany quraıdy, onyń 4000 tonnasy tuqymdy jemisterge arnalǵan.
«Astana Agro» SDO turaqtandyrý qorlardy damytý maqsatynda satyp alý kólemin ulǵaıtý, ári tıimdi júzege asyrý aıasynda jospar ázirleýde.
Búginde nysan bıylǵy qarasha aıynda 150 mln. tengege 2715 tonna kókónis jáne 1170 tonna bakaleıalyq ónimder satyp alǵan.
Jalpy respýblıka boıynsha, oblystyq ákimdikterdiń málimetterine sáıkes, 2012 jylǵy 5 qarashada turaqtandyrý qorlaryna 145 816,4 tonna azyq-túlik satyp alynǵan. Komıssııanyń sheshimi aıasynda negizsiz baǵanyń ósýine jol bermeý úshin naryq baǵasynan tómen 30 155,3 tonna azyq-túlik taýarlary alynǵan.
Aıta keteıik, 2012-2014 jyldarǵa Turaqtandyrý qorlaryn qalyptastyrýǵa 12,6 mlrd. teńge qarjy qarastyrylǵan.
Sonymen qatar 2011-2012 jyldary Qorlardy qurý úshin «QazAgro» Ulttyq basqarýshy holdıngi» aktsıonerlik qoǵamyna 2011 jyly agroónerkásiptik keshen sýbektilerin qoldaý jónindegi is-sharalar júrgizý úshin bólingen bıýdjettik kredıtti qaıta qurylymdaý týraly» Qazaqstan Respýblıkasy Úkimetiniń qaýlysy qabyldandy. Osy qarajattardyń 100% kóleminde «Azyq-túlik kelisim-shart korporatsııasy» AQ áleýmettik-kásipkerlik korporatsııalarǵa Qorlardy qurý úshin zaem berdi.