Jalpyqalalyq senbilik: qostanaılyqtar jappaı qar kúreıdi

<p>QOSTANAI. KAZINFORM &ndash; Qostanaı qalasynyń ákimi Marat Júndibaev 22-26 aqpan aralyǵynda qalada jalpy senbilik ótkizýdi usyndy. Ekologııalyq shara qala ishindegi qar kólemin azaıtýǵa baǵyttalǵan.</p>

«Qazgıdromet» RMK málimeti boıynsha, qazirgi ýaqytta qalada qardaǵy sý qory 81 mm, bul normadan (36 mm) 2,2 ese, qańtardaǵy jaýyn-shashyn mólsheri 45 mm qurap normadan 2,5 ese asty. Merdiger uıymdardyń qar kúreý jumystaryna qaramastan (265 birlik tehnıka jumyldyrylǵan) saqtyq sharasy retinde senbilik ótkizý týraly sheshim qabyldandy.

«Jeke turǵyn úı ıeleri úı-jaılarynyń aýmaǵyn qardan tazartýy qajet, keıin kóshege shyǵarylǵan qardy merdiger uıymdar alyp ketedi. Bul aqparat messendjerler arqyly jáne barlyq múmkindikter arqyly barlyq aýdanǵa habarlanýy tıis. Sondaı-aq MIB jáne PIK tóraǵalary aýla aýmaqtaryn qardan tazartý jumystaryn uıymdastyrady. Kásipkerlik nysandary men barlyq menshik sýbektileri nazardan tys qalmaıdy: olar ǵımarattarǵa irgeles aýmaqtardaǵy qardy shyǵaryp, keıin aldyn ala belgilengen qoqys alańdaryna tasýy kerek», - dedi qala ákimi Marat Júndibaev.

Sondaı-aq, bilim berý bólimine tapsyrma berildi, olar merdigerlerge shyǵarý yńǵaıly bolý úshin mektepke deıingi jáne orta bilim berý mekemeleriniń aýmaqtaryn qardan tazalaýdy qamtamasyz etýi kerek. Jaǵdaıdy qutqarýshylar men polıtsııa qyzmetkerleri baqylaıdy.