Jalpyǵa birdeı deklaratsııa: úı sharýasyndaǵy áıelderge de kezek keledi

<p>ASTANA. KAZINFORM &ndash; Jalpyǵa birdeı deklaratsııa jalpyǵa túsinikti dep aıta almaspyz. Bul rette, QR Qarjy mınıstrligi Memlekettik kirister komıteti turǵyndarǵa túsindirý jumystaryn júıeli júrgizýge barynsha tyrysyp jatyr.&nbsp;</p>

Komıtettiń Jeke tulǵalardyń kiristerin ákimshilendirý basqarmasynyń basshysy Dına Qusaıynova arnaıy uıymdastyrylǵan baspasóz konferentsııasynda bul baǵytta atqarylyp jatqan jumystarǵa toqtaldy.

«2021 jyldyń 1 qańtarynan bastap Qazaqstanda kezeń-kezeńimen jalpyǵa birdeı deklaratsııalaý engizilgeni belgili. Birinshi kezeńde 580 myńǵa jýyq memlekettik qyzmetkerler jáne olarǵa teńestirilgen adamdar, olardyń jubaılary tıisti qujattardy ótkizdi. Ekinshi kezeńde, ıaǵnı, 2023 jyldyń 1 qańtarynan bastap deklaratsııany memlekettik mekemeler men kvazımemlekettik sektordyń shamamen 2,1 mln qyzmetkeri, olardyń jubaılary tapsyrdy. Úshinshi kezeńde, 2024 jyldyń 1 qańtarynan bastap deklaratsııany shamamen 2,4 mln jeke tulǵalar tapsyrýǵa tıis. Olar – zańdy tulǵalardyń basshylary men quryltaıshylary (qatysýshylary), jeke kásipkerler, sondaı-aq olardyń jubaılary. Ázirge 35 paıyzǵa jýyq adam tapsyryp úlgerdi. Shekti merzim jaqyndaǵan saıyn azamattardyń belsendiligi artyp jatqanyn atap ótken jón», - dedi ol.

Tórtinshi kezeńde, 2025 jyldyń 1 qańtarynan bastap elimizdiń barlyq azamaty deklaratsııa tapsyrýǵa mindetti. Olardyń qatarynda zeınetkerler men úı sharýasyndaǵy áıelder de bar. Jalpyǵa birdeı deklaratsııalaý júıesine shamamen 13 mln adam enedi dep kútilip otyr. 

Aıtpaqshy, QR «Ákimshilik quqyq buzýshylyq týraly» kodeksine sáıkes, deklaratsııany usynbaǵany úshin áý basta eskertý jasalsa, bir jyl ishinde qaıtalap buzǵany úshin – 55 380 teńge (15 AEK) mólsherinde aıyppul salynbaq.