Jalpy medaldar kestesinde AQSh Qytaıdy basyp ozdy

<p>PARIJ. KAZINFORM &ndash; Parıjde ótip jatqan Olımpıada oıyndarynda jalpy medaldar kestesinde AQSh qytaı quramasyn basyp ozdy.</p>

Naqtyraq aıtsaq, 6 tamyzda jalpy medaldar kestesi boıynsha AQSh kósh basyna shyqty. Olardyń enshisinde 24 altyn, 31kúmis, 31 qola medal bar.

Al qytaı quramasy oladan 2 altynǵa kem. Olardyń enshisinde 22 altyn, 21 kúmis, 16 qola medal bar.

Úzdik úshtikti ázirge Avstralııa quramasy túıindep tur. Olarda 14 altyn, 12 kúmis, 9 qola medal bar.

Al Parıj Olımpıadasynda 1 altyn, 1 kúmis, 3 qola medal jeńip alǵan Qazaqstan sportshylary ázirge 30-oryndy qanaǵat tutty.

Búgin Parıj Olımpıadasynda 5 memlekettiń qorjynyna alǵashqy júldeleri tústi. Osylaısha medal alǵan elder sany 69-ǵe jetti.

Olımpıada qojaıyndary Frantsııa quramasy ázirge tórtinshi orynda keledi. Olardyń enshisinde 13 altyn, 16 kúmis, 19 qola medal bar.

Jalpy Olımpıada altynyna 42 memleket, kúmiske 58 el, al qolaǵa 69 el qol jetkizdi.

Esterińizge sala ketsek, Frantsııa astanasy Parıj qalasynda ótip jatqan XXXIII jazǵy Olımpıada oıyndary 11 tamyzda máresine jetedi. Oıyndarǵa álemniń 205 elinen 10 500 sportshy qatysyp jatyr. Olımpıadashylar 32 sport túrinen 329 medal jıyntyǵyn sarapqa salyp jatyr.