Jalǵyz adamdyq kameradaǵylarǵa temeki tartýǵa jáne kezdesýge salynǵan tyıym tekseriledi

<p>ASTANA. KAZINFORM — Konstıtýtsııalyq sot tártiptik ızolıator men jalǵyz adamdyq kameradaǵy sottalǵandarǵa salynǵan tyıym týraly normalardyń Konstıtýtsııaǵa sáıkestigin tekseredi. </p>

Konstıtýtsııalyq sot aldyn ala qaraý qorytyndysy boıynsha Qylmystyq-atqarý kodeksiniń 109-baby ekinshi bóliginiń, 134-baby birinshi bóligi 2-tarmaqshasynyń jáne Qylmystyq-atqarý júıesi mekemeleriniń ishki tártip qaǵıdalarynyń 104-tarmaǵynyń Konstıtýtsııaǵa sáıkestigin tekserý týraly azamattyń ótinishin is júrgizýge qabyldady.

Daýly normalarda tártiptik ızolıator men jalǵyz adamdyq kameraǵa qamalǵan sottalǵandar úshin kúndiz kezdesýge, telefonmen sóılesýge, azyq-túlik pen qajetti zattardy satyp alýǵa, temeki shegýge jáne uıyqtaıtyn oryndy paıdalanýǵa tyıym salý belgilengen. 

Sottalǵan adamnyń jaqyn týystary qaıtys bolǵan, aýyr naýqastanǵan kezde nemese otbasyna eleýli zalal keltirgen dúleı zilzala jáne basqa da erekshe jeke jaǵdaı bolǵan kezde telefon arqyly sóılesýge quqyǵyn belgileıdi. 

Konstıtýtsııaǵa sáıkestigin tekserýdiń barysy men qorytyndysy týraly aqparat Konstıtýtsııalyq sottyń resmı saıtynda jarııalanady.