Jalǵan lańkestik úshin sottalǵan fızıka muǵalimi raqymshylyq boıynsha ótinish berdi

QARAǴANDY. QazAqparat - Qaraǵandydaǵy Ortalyq ámbebap dúkenge jarylǵysh zat qoıylǵandyǵy týraly polıtsııaǵa habarlasyp, jalǵan habar bergen fızıka pániniń muǵalimi óziniń jaza merzimin raqymshylyq boıynsha qysqartý týraly ótinish berdi, dep habarlaıdy «QazAqparat» HAA tilshisi.

«Búgin sotqa túzetý mekemesiniń ákimshiliginen sottalýshy ıÝrıı Paktyń ótelmegen jaza merziminiń 4/1 bóligin raqymshylyq boıynsha qysqartý týraly ótinish kelip tústi», - dep túsindirdi Qaraǵandy oblysy Abaı aýdandyq sotynyń sýdıasy, BAQ-pen jumys jónindegi úılestirýshi Ardaq Jumashev.

ıÝrıı Pak qazirgi tańǵa deıin 2016 jyldyń 3 qazanynan 2017 jyldyń 3 naýryzyna deıin - tolyq bes aı jazasyn ótedi.

Eske sala ketsek, 3 qazan kúni sot úkimimen ıÝrıı Pak terrorıstik akt týraly kórineý jalǵan habar taratý boıynsha sottaldy. Oǵan jalpy rejimdegi túzetý mekemesinde eki jylǵa bas bostandyǵynan aıyrý jazasy taǵaıyndaldy.

Tergeýdiń anyqtaýynsha, fızıka pániniń muǵalimi polıtsııaǵa Qaraǵandydaǵy saýda ortalyǵy ǵımaratyna jarylǵysh zattyń qoıylǵandyǵyn habarlaǵan. Alaıda, pedagogtyń ózi bul iske qatysy joqtyǵyn aıtty.

ıÝrıı Pak isi úlken qoǵamdyq rezonans týdyrdy. Onyń aıypsyz ekenine senimdi qazaqstandyqtar jalǵan lańkestik úshin eki jylǵa sottalǵan qaraǵandylyq muǵalimge qoldaý bildirip, petıtsııaǵa qol qoı dy. Onda jazalaý úkimi shyqqan fızıka pániniń oqytýshysy ıÝrıı Paktiń isin qaıta qaraý suralǵan. Alaıda, Qaraǵandy oblystyq sotynyń sot alqasy muǵalimge shyǵarylǵan úkimdi ózgerissiz qaldyrdy .