Jalǵan qujatpen shekaradan ótpek bolǵandarǵa qatysty 99 derek anyqtaldy
15:42, 18 Sáýir 2023
ASTANA. QazAqparat - UQK Shekara qyzmeti jyl basynan beri sheteldik (Úndistan, Nıgerııa, Tájikstan, Ózbekstan jáne Reseı) jáne Qazaqstan azamattarynyń jalǵan jáne ózgeniń qujatyn qoldanýynyń 99 faktisin anyqtady, dep habarlaıdy QazAqparat.
«Shekaralyq aımaqta 4 238 shekara rejımin buzýshy ustaldy, 1,9 mlrd teńgege jaqyn somadaǵy valıýta, altyn jáne basqa taýarlardyń tasymaldanýyna jol berilmedi.
Qarý men oq-jaraqty ótkizýdiń 66 áreketiniń joly kesildi. Zańsyz mıgratsııanyń 4 arnasy beıtaraptandyrylyp, bul qylmysqa qatysy bar 6 adam ustaldy», - dep jazdy vedomstvonyń baspasóz qyzmetinen.
Ustalǵan quqyq buzýshylarǵa qatysty Qazaqstan Respýblıkasynyń zańnamasyna sáıkes sharalar qabyldandy.