Jalǵan kásipkerlik belgileri bar 569 zańdy tulǵanyń memlekettik tirkelý kúshi joıyldy - QR Bas prokýratýrasy

ASTANA. QazAqparat - QR Bas prokýratýrasy «kóleńkeli ekonomıkaǵa» tosqaýyl qoıý salasyndaǵy jumystaryn jandandyrdy, dep habarlady atalǵan vedomstvonyń baspasóz qyzmetinen.

«Prokýrorlardyń shaǵymdary boıynsha jalǵan kásipkerlik belgileri bar 569 zańdy tulǵanyń memlekettik tirkelýiniń kúshi joıylyp, qadaǵalaý aktileri boıynsha kontragentterge 50 mlrd. teńge qaıta esepteldi, sonyń ishinde 19,3 mlrd. teńge óndirilip alyndy»,- delingen habarlamada.
Sonymen qatar, vedomstvonyń atap ótýinshe, Prezıdenttiń tapsyrmasyn oryndaý maqsatynda halyqty eńbekpen qamtý jáne eńbekaqy tóleý salasynda prokýrorlardyń aktileri boıynsha jumysshylardyń paıdasyna 6,5 mlrd.-tan astam teńge óndirildi. 163 kásiporynda qaryzdar tolyq óteldi. 158 myń jumysshynyń quqyqtary qorǵaldy.

Almaty qalasy jáne Qaraǵandy oblysy prokýratýralary problemalyq kásiporyndar boıynsha 271 mln.-nan astam teńgeniń (sáıkesinshe 115 mln. jáne 156 mln. teńge) ótelýin qamtamasyz etken.