Jalǵan aqparat úshin «QazTransGazAımaq» AQ 3 864 000 teńge aıyppul tóledi

<p>ASTANA. KAZINFORM &ndash; Qazaqstan Respýblıkasy Básekelestikti qorǵaý jáne damytý agenttiginiń Batys Qazaqstan oblysy boıynsha departamenti &laquo;QazTransGazAımaq&raquo; AQ Batys-Qazaqstan óndiris fılıalyna suraý hat joldaǵan &ndash; dep jazady QR Básekelestikti qorǵaý jáne damytý agenttiginiń baspasóz qyzmeti.</p>

Hatta «Ulttyq aqparattyq tehnologııalar» AQ taýarlyq gazdy bólshek saýdada ótkizý shartynda taýarlyq gazǵa aqy tóleý sharttarynda baıandalǵan talaptarǵa qatysty ótinishti qaraý máselesi jazylǵan.

Atalǵan suraý hatqa «QazTransGazAımaq» AQ «Sharttyń talaptary QR barlyq kommýnaldyq-turmystyq tutynýshylary úshin biryńǵaı» dep aqparat bergen.

Alaıda, Departament fılıaldyń monopolııaǵa qarsy organyna jalǵan aqparat bergendigin anyqtady. Óıtkeni keıbir sharttarda kommýnaldyq-turmystyq tutynýshylarmen jasalǵan sharttardy iriktep, taldaý kezinde talaptar basqa redaktsııada jazylǵany, ártúrli sharttar qoldanylǵany belgili bolǵan.

Osyǵan baılanysty, Departament «QazTransGazAımaq» AQ qatysty monopolııaǵa qarsy organǵa jalǵan aqparat berý faktisi boıynsha «Ákimshilik quqyq buzýshylyq týraly» Qazaqstan Respýblıkasy Kodeksiniń 162-baby boıynsha ákimshilik is qozǵady.

Oral qalasynyń ákimshilik quqyq buzýshylyq jónindegi mamandandyrylǵan sotynyń qaýlysymen «QazTransGazAımaq» AQ 5 520 000 teńge kóleminde aıyppul túrinde ákimshilik jaza qoldanyldy.

Aıta keteıik, sot ÁQBtK-niń 829-11-babynyń 2-bóligine sáıkes, salynǵan aıyppul somasyn 30% deıin, ıaǵnı 3 864 000 teńgege azaıtty.

Búgingi kúni aıyppul tolyq kólemde tólendi.