«Jalǵan adamdarǵa jalaqy tólegen»: Almaty oblysynda «Іle sý» mekemesine tekseris júrgizildi

<p>QONAEV.KAZINFORM &ndash; Áleýmettik jelide Almaty oblysynda qyzmet kórsetetin &laquo;Іle sý&raquo; mekemesiniń jalǵan adamdarǵa jalaqany tólegeni týraly aqparat tarady.&nbsp;</p>

– «Іle sý» qyzmetkerleri basqarma tarapynan jalǵan adamdarǵa jalaqy aýdarylatynyn jáne bıýdjet qarajatyn maqsatsyz paıdalaný faktileri bar ekenin habarlaıdy. Olar sondaı-aq qajet emes zattardy satyp alýǵa kelisim jasasqan. Anyqtalǵan faktiler aýdıtorlyq jáne sot protsesterimen rastalady, - dep jazdy áleýmettik jelide Temirlan Stechkın.

Bul máselege baılanysty Kazinform saýalyna jaýap bergen Almaty oblysynyń ákimdigi atalǵan mekemede tekseris júrgenin rastady. Ákimdik málimetine sáıkes, qazirgi ýaqytta sot talqylaýlary júrgizilip jatyr.

– Osy jyldyń 12 qańtarynan 20 naýryzyna deıin Іshki memlekettik aýdıt departamenti «Іle sý» ShJQ MKK-nyń qyzmetine tekserý júrgizdi. Tekserý nátıjesinde bıýdjet qarajatynyń jalǵan tulǵalardyń esepshottaryna aýdarylǵany jáne bólingen qarjynyń maqsatsyz jumsalǵany anyqtaldy. Kásiporyn bul qorytyndylardy joqqa shyǵaratyn egjeı-tegjeıli jáne negizdelgen qarsylyqtar usyndy. Qazirgi ýaqytta aýdıt qorytyndysy men tekserý barysynda jasalǵan tujyrymdardy daýlaýǵa baılanysty sot talqylaýlary júrgizilip jatyr, - dep habarlady oblys ákimdiginiń baspasóz qyzmeti. 

Eske salaıyq, buǵan deıin Almaty oblysynda paıdalanylmaıtyn aýyl sharýashylyǵy jerleri qaıtarylyp jatqanyn jazǵanbyz.