Jalaqysy joǵary jumysqa turǵyzamyn: Atyraýda 14 adamdy aldaǵan alaıaq qamaldy

ATYRAÝ. QazAqparat – Atyraýda 14 adamdy jalaqysy joǵary jumysqa turǵyzamyn dep aldaǵan alaıaq qamaýǵa alyndy, jep habarlaıdy QazAqparat.

Oblystyq polıtsııa departamentiniń bastyǵy, polıtsııa polkovnıgi Qamza Úmbetqalıevtiń málimetine súıensek, alaıaqtar qarııalar men qarjylyq kómekkke muqtajdardy arbaýyna túsiredi.

«Máselen, Atyraý qalasynyń 1988 jylǵy turǵyny dostarynyń tanystarynan jalaqysy joǵary jumysqa turǵyzý úshin aqshalaı syıaqy alǵan. Kúdikke ilingen alaıaq 14 jábirlenýshini arbaýyna túsirgen. Onyń ishinde Atyraý oblysynyń 4 turǵynyna keltirilgen shyǵyn kólemi – 450 myń teńge. Al, qalǵan 10 jábirlenýshi – ózge oblystardyń turǵyndary. Qazir 10 jábirlenýshige kelgen shyǵyn kólemi eseptelip jatyr. Alaıaqtyq áreketke barǵan kúdikti ustaldy» -dep málim etti Qamza Úmbetqalıev.

Onyń aıtýynsha, qazir kúdiktige qatysty QR Qylmystyq kodeksiniń 190-babynyń 3-bóligimen tergeý júrip jatyr.

Al, 33 jastaǵy kúdikti ýaqytsha ustaý ızolıatoryna qamaýǵa alyndy.

Eske sala ketelik, budan buryn Atyraý turǵyny Teńiz kenishine jumysqa turǵyzyp beremin dep 6 adamnan aqsha alǵanyn jazǵan edik.